Naruto Shippuden the Movie: Blood Prison2011

 ဒီဇာတ်လမ်းလေးကတော့ ၂၀၁၁ ခုနှစ်မှာထွက်ရှိခဲ့တာဖြစ်ပြီး Masashi Kishimoto ရဲ့ Naruto စီးရီးကိုအခြေတည်ကာ Akira Higashiyama မှရေးသားပုံဖော်ထားတဲ့ဇာတ်လမ်းလေးပဲဖြစ်ပါတယ်။Naruto Shippuden စီးရီးလေးရဲ့ အပိုင်း ၁၉၆ နောက်ပိုင်းလောက်ကနေ ဇာတ်အိမ်တည်ထားပါတယ်။ဒီဇာတ်လမ်းလေးထဲမှာဆိုရင် ဖခင်တစ်ဦးရဲ့ချစ်ချင်းမေတ္တာတွေနဲ့ Naruto အပေါ်မှာထားရှိတဲ့ သူ့မိတ်ဆွေတွေရဲ့ယုံကြည်မှုတွေ စတဲ့အမျိုးမျိုးအဖုံဖုံသော ခံစားမှုရသလေးတွေကိုမြင်တွေ့ရမှာပဲဖြစ်ပါတယ်။

ဇာတ်လမ်းအကျဉ်း

တစ်နေ့သော မနက်ခင်းလေးမှာ Naruto တစ်ယောက် နေရင်းထိုင်ရင်းအဖမ်းခံရကာ Hozuki ရဲတိုက်လို့ခေါ်တဲ့ ရှီနိုဘီအကျဉ်းထောင်ကြီးဆီ ပို့ခံလိုက်ရပါတော့တယ်။ဘာလို့ဆို ထိုနေ့မတိုင်ခင်ညမှာ မြက်ရွာက Raikage တိုက်ခိုက်ခံလိုက်ရတာကြောင့်ပါ။တိုက်ခိုက်သွားတဲ့တရားခံရဲ့ပုံကြမ်းဟာလည်း Naruto နဲ့တစ်ပုံစံတည်းတူနေလေရဲ့။ဒီလိုနဲ့ပဲ Naruto ကိုဖမ်းပြီး အကျဉ်းထောင်ပို့လိုက်ကြတယ် ဆိုပါတော့။
အဲနောက်မှာတော့ ဘူမသိကိုးမသိ ထောင်ထဲရောက်သွားတဲ့ Naruto တစ်ယောက် သူအပြစ်ကင်းကြောင်းကိုပြနိုင်ဖို့အတွက် တရားခံအစစ်ကိုရှာမယ်တကဲကဲလုပ်တော့တာပေါ့။ဒါပေမဲ့ အကျဉ်းချခံထားရတာကြောင့် တရားခံကိုမရှာခင် ထောင်ထဲကနေလွတ်မြောက်ဖို့ရာ အရင်ကြိုးပမ်းရပါတော့တယ်။
ဒီမြက်ရွာမှာရှိနေတဲ့ Hozuki ရဲတိုက်ကြီးကိုတော့ Mui ဆိုတဲ့ထောင်မှူးကြီးကကြီးကြပ်တာပဲဖြစ်ပါတယ်။Mui ဟာမျိုးရိုးစဉ်ဆက် ဆက်ခံလာခဲ့တဲ့ အထူးအကျဉ်းချပညာရပ်တစ်ရပ်ကိုတတ်ကျွမ်းတာကြောင့် ဒီထောင်ကြီးကိုစောင့်ကြပ်ဖို့တာဝန်ပေးအပ်ခံခဲ့ရတာပါ။
ဒီလိုနဲ့ပဲ Naruto တစ်ယောက် ထောင်မှူးကြီးရဲ့ အထူးပညာတွေ အလွန်တရာမှကိုတင်းကြပ်လှတဲ့စောင့်အကြပ်တွေကြားကနေ ထောင်ဖောက်ပြေးဖို့ကြိုးစားရင်း လွှတ်မြောက်နိုင်ပါ့မလား။ Naruto ကပဲ တကယ့် တရားခံအစစ်များဖြစ်နေမလား။ဒါမှမဟုတ် တရားခံအစစ်ကိုပဲရှာတွေ့သွားမလား။နောက်ထပ် နောက်ထပ် စိတ်ဝင်စားစရာကောင်းတဲ့အချက်တွေရှိနေဦးမလဲဆိုတာ ကိုယ်တိုင်သာ ကြည့်ရှုကြည့်လိုက်ပါဦးခင်ဗျာ။

နောက်ထပ်ကျန်ရှိနေသေးတဲ့ Naruto Movie လေးတွေကိုလည်းဆက်လက်ပြီးတင်ဆက်ပေးသွားမှာဖြစ်လို့ အားလုံးပဲ စောင့်မျှော်ကြည့်ရှုပေးကြပါဦးခင်ဗျာ။

𝚀𝚞𝚊𝚕𝚒𝚝𝚢 -𝟭𝟬𝟴𝟬𝗽,𝟳𝟮𝟬𝗽,𝟯𝟲𝟬𝗽
𝙳𝚞𝚛𝚊𝚝𝚒𝚘𝚗 – 𝟭𝗵𝟰𝟴𝗺
𝚆𝚛𝚒𝚝𝚎𝚛 – 𝐀𝐤𝐢𝐫𝐚 𝐇𝐢𝐠𝐚𝐬𝐡𝐢𝐲𝐚𝐦𝐚
𝙶𝚎𝚗𝚛𝚎 – 𝐀𝐜𝐭𝐢𝐨𝐧,𝐀𝐝𝐯𝐞𝐧𝐭𝐮𝐫𝐞,𝐅𝐚𝐧𝐭𝐚𝐬𝐲
𝚂𝚞𝚋𝚝𝚒𝚝𝚕𝚎 – 𝐌𝐲𝐚𝐧𝐦𝐚𝐫
𝚃𝚛𝚊𝚗𝚜𝚕𝚊𝚝𝚎 – 𝐋𝐢𝐧𝐇𝐭𝐞𝐭
𝙴𝚗𝚌𝚘𝚍𝚎 – 𝐌𝐞𝐤𝐚𝐝𝐨𝐭𝐨𝐣𝐢
𝚁𝚎𝚟𝚒𝚎𝚠 – 𝐋𝐢𝐧𝐇𝐭𝐞𝐭
🔸🔸🔸🔸🔸🔸🔸🔸🔸🔸🔸🔸🔸🔸