Naruto Shippuden the Movie: The Lost Tower 2010

     ဒီဇာတ်လမ်းလေးကတော့ Naruto Shippuden ရဲ့ ၄ ကြိမ်မြောက်ထွက်ရှိခဲ့တဲ့ ဇာတ်ကားလေးဖြစ်ပြီး ၂၀၁၀ ခုနှစ်မှာစတင်ပြသခဲ့တာပဲဖြစ်ပါတယ်။Naruto ရဲ့ထွက်ရှိခဲ့သမျှ ဇာတ်ကားတွေအနေနဲ့ကတော့ ၇ ကားမြောက်ထွက်ရှိခဲ့တဲ့ ဇာတ်ကားလေးပါ။Naruto Shippuden စီးရီးရဲ့ အပိုင်း ၁၆၉ နောက်ပိုင်းလောက်ကနေ ဇာတ်အိမ်တည်ထားပါတယ်။

  ဒီဇာတ်လမ်းလေးက တခြားဇာတ်လမ်းလေးတွေနဲ့မတူဘဲ တမူထူးခြားတယ်လိုဆိုချင်ပါတယ်။ဘာလို့ဆို ဒီဇာတ်လမ်းလေးရဲ့ ဇာတ်လမ်းကြော်ငြာမှာ အားလုံးပဲတွေ့ကြမယ်ထင်ပါတယ်။ကျွန်တော်တို့ရဲ့ဇာတ်လိုက်ကြီး Naruto ရဲ့အဖေဖြစ်သူ Yellow Flash လို့တင်စားခံထားရတဲ့ စတုတ္ထ Hokage ကြီး Minato ပါဝင်နေလို့ပဲဖြစ်ပါတယ်ခင်ဗျ။

ဇာတ်လမ်းအကျဉ်း

           Konoha ရွာနဲ့သဲရွာတို့ကြား ငြိမ်းချမ်းရေးသဘောတူညီချက်အရ Naruto တို့အဖွဲ့ဟာ Mukade လို့ခေါ်တဲ့ရုပ်သေးဂျူစုအသုံးပြုသူ ရာဇဝင်လူဆိုးတစ်ဦးကို ဖမ်းပေးဖို့တာဝန်ပေးခြင်းခံခဲ့ရပါတယ်။ဒီလိုနဲ့ Naruto Sakura Sai တို့သုံးဦးသား Yamato ရဲ့ဦးဆောင်မှုဖြင့် Mukade ကိုလိုက်ဖမ်းကြတော့တာပေါ့။Mukade ရဲ့ရည်ရွယ်ချက်ကတော့ Ryumyaku လို့ခေါ်သော မြေအောက်မှာခိုအောင်းနေတဲ့ အလွန်တရာပမာဏများပြားလွန်းတဲ့ချာကရာတွေကိုထုတ်ယူပြီး သူ့ရဲ့ရုပ်သေးပညာကိုအဆင့်မြှင့်တင်ဖို့ပဲဖြစ်ပါတယ်။

   ဒါပေမဲ့ Ryumyaku ဆိုတဲ့စွမ်းအားတွေဟာ အလွန်ကိုအန္တရာယ်များတာကြောင့် စတုတ္ထ Hokage က ချိတ်ပိတ်ဂျူစုနဲ့ ချိတ်ပိတ်ထားခဲ့ပါတယ်။ဒီချိတ်ပိတ်ဂျူစုဟာ အရမ်းအစွမ်းထက်တာကြောင့် Mukade ဟာဖျက်ဆီးပစ်ဖို့ရာမစွမ်းသာခဲ့ပါဘူး။ဒါကြောင့် ချိတ်ပိတ်အစွမ်းတွေကိုသူ့ခန္ဓာကိုယ်ထဲ စုပ်ယူပစ်ဖို့လုပ်ပါတော့တယ်။ဒီလိုနဲ့ ချိတ်ပိတ်စွမ်းအားတွေကို စုပ်ယူလိုက်တဲ့အခါမှာတော့ ကြီးမားတဲ့ပေါက်ကွဲမှုကြီးတစ်ခုဖြစ်ပွားပြီး ပေါက်ကွဲမှုထဲကို Mukade အပါအဝင် Naruto နဲ့ Yamato တို့ပါ ပါသွားခဲ့ပါတယ်။အဲဒီနောက်မှာတော့ Naruto တစ်ယောက်နေရာသစ်တစ်ခုမှာနိုးထလာခဲ့ပြီး. . .

   ကဲ Naruto ဘယ်ရောက်သွားတာတုန်း. . .Minato နဲ့ဘယ်လိုဆုံတွေ့ကြမှာတုန်း. . .နောက်ထပ်ရော ဘာအခက်အခဲတွေကြုံတွေ့ရဦးမှာလဲဆိုတာ ကြည့်ရှုလိုက်ကြပါဦးခင်ဗျာ။

𝚀𝚞𝚊𝚕𝚒𝚝𝚢      – 𝟭𝟰𝟰𝟬𝗽,𝟭𝟬𝟴𝟬𝗽,𝟳𝟮𝟬𝗽,𝟯𝟲𝟬𝗽

𝙳𝚞𝚛𝚊𝚝𝚒𝚘𝚗   – 𝟴𝟱𝗠𝗶𝗻

𝚆𝚛𝚒𝚝𝚎𝚛       – 𝐉𝐮𝐧𝐤𝐢 𝐓𝐚𝐤𝐞𝐠𝐚𝐦𝐢

𝙶𝚎𝚗𝚛𝚎         – 𝐀𝐜𝐭𝐢𝐨𝐧,𝐀𝐝𝐯𝐞𝐧𝐭𝐮𝐫𝐞,𝐅𝐚𝐧𝐭𝐚𝐬𝐲

𝚂𝚞𝚋𝚝𝚒𝚝𝚕𝚎   – 𝐌𝐲𝐚𝐧𝐦𝐚𝐫

𝚃𝚛𝚊𝚗𝚜𝚕𝚊𝚝𝚎 – 𝐋𝐢𝐧𝐇𝐭𝐞𝐭

𝙴𝚗𝚌𝚘𝚍𝚎      – 𝐌𝐞𝐤𝐚𝐝𝐨𝐭𝐨𝐣𝐢

𝚁𝚎𝚟𝚒𝚎𝚠      – 𝐋𝐢𝐧𝐇𝐭𝐞𝐭

🔸🔸🔸🔸🔸🔸🔸🔸🔸🔸🔸🔸🔸🔸